20105143 發表於 2007-5-2 18:34:28

[PS] 數碼暴龍digimon world(迅雷下載)+攻略 - [售價 熱心 1 分] 1 2

解壓完後再將eboot.pbp和keys.bin放在一同個資料夾內,
將資料夾放在psp/game內就得

下載:http://z10.zupload.com/download.php?file=getfile&filepath=13861


一開始, 改完主角同隻Digimono既名後, 係見到"開始之街"後(記住係見到之後), 即刻按住三角直到見到你開Menu 畫面先好放手之後餵隻野食一個叫做自動領行員(一個黑色人仔)如果佢唔係食, 就鬧佢(記住鬧佢之後要即刻按住三角)一餵就即刻按住三角直到佢個畫面轉左係下面小小位置就ok
記住唔好行去右上角爺爺獸度, 唔係就前功盡廢然後帶佢去去左邊訓練場度練返咁上下, 餓可以食長寿魚或者生菜咁個故事都會開始


成功的話你會見到d digimon圍住你
個故事一開始爺爺獸會講一大輪野(如果用秘技唔會有)然後會入返爺爺獸之家同晒佢地會部Digimon 講野爺爺獸會畀一d 基本物品過你然後可以去訓練下跟手就可以出村


1) 亞古獸:
一出村, 亞古獸會走埋黎, 打贏佢會返去開倉庫


2) 巴魯獸:
打完亞古獸向下進發, 係廁所下面版圖見到巴魯獸
同佢講三次野, 會同佢開戰,
打贏佢會返去管理肉田, 每日都可以拎到三塊巨大肉, 另外可以以50 bit 買到肉


3) 古尼獸
係巴魯獸右邊版圖古尼獸寢室
見到古尼獸係樹上
同佢講野, 然後畀一個食物佢
佢會落黎同你開戰
打贏佢會返去食左街右邊o既樹等你方便行過去數碼橋
(但係畀唔知邊個整爛左, 唔用得住)


4) 西拉獸 Part1
係古尼獸右下邊海邊版圖西拉灣
朝早至傍晚會見到有個黑影係海度
走過去, 佢會帶你過熱帶森林



5) 比達獸
係右邊森林區
你會見到比達獸係度發呆
同佢講野會返街擺地攤
(糧食問題開始解決, 另外有錢記得返多少買回復磁碟)


6) 西拉獸 Part2
之後行返去西拉獸帶你黎果度
你會見到有座橋
行過去, 原來數碼橋己經好返(睇黎係西拉獸整返好)
係下午至傍晚時間行返去西拉灣
同返西拉獸講野佢會返街同比特獸開地攤



7) 鑽地獸 Part1
係開始之街左邊區域會有鑽地獸礦穴
入去會見到有三隻野獸
入去右邊地底湖
幫鑽緊山o既鑽地獸搬泥(記得帶”流動廁所”同”糧食”)
一日搬唔晒, 大約需要三日先搬得晒
(其實可以唔幫鑽地獸搬泥, 但係可以練隻Digimon 之餘, 又可以加快鑽山速度)
(中間日子可以去訓練隻Digimon, 因為開始要打成熟期o既Digimon, 可以練強d)


8) 鑽地獸 Part2
練返咁上下可以去返鑽地獸礦穴
三隻野獸
轉左, 入鑽地獸房間
見到鑽地獸佢好唔舒服
打贏佢佢會話個洞穴好熱好唔舒服


9) 火焰獸
打完鑽地獸, 去返地底湖, 遂道己打通
但係仲有舊大石阻條路, 要一隻成長期或以上o既Digimon 先可以推得郁
推完之後, 向前行
看到火焰獸
佢會引發地震
之後同佢講野開戰
打贏佢會返去開餐廳
(打火焰獸記得去本身好多容岩處執野喎)
(由火焰獸引發o既地震令迷惑森林原本有巨石塞住o既通道打通左)



10) 比丘獸
經過由火焰獸打道o既山道
會去到基亞草原
係草原海邊會見到比丘獸
你要係地圖4角位置捉佢
當然得你一個捉唔到啦
所以你會派你隻Digimon 去一個位置等
試多幾次之後
比丘獸俾你捉到
佢會返街度幫手經營商店

Check Point 1 – 野外商店
係比丘獸左上方版圖
你會見到有個野外商店
可以買到巨大肉
最緊要係有得買卡
(有錢最好買多D,絕對有用)

11) 艾力獸
係比丘處向上行
工業之城門口會見到艾力獸
俾佢電三次
佢會返街係夜晚為街提供電力

13) 巴達獸
係艾力獸右邊版圖
會見到巴達獸
連續打贏佢三次
佢為返街幫手經盈商店

14)  獅子獸 Part1
見到巴達獸o既下面版圖
你會見到一隻巴達獸俾野人獸洽緊
獅子獸會出現幫隻巴達獸
跟住佢入去,會見到有一個野外訓練場
同獅子獸講野佢會話依家參透緊一D野暫時唔會加入

15) 大便獸
係工業之城旁邊有座大便山
行入去會見到有支魚杆
當然執起佢啦
再同晒D大便獸講野
再同大便皇講野
咁大便獸就會返街企係個廁所門口......

16) 暴龍獸
係哩個時候返一返街先
因為道具都用得七七八八
返去整理道具先
返去同爺爺獸講野
一直講到佢話街o既發展度出現為止
如果發展度係15或以上
一出爺爺獸之家
暴龍獸會黎挑戰你
打贏佢會係街度開鬥技場




Check Point 2 – 雨草
睇返日子
因為每15日係肉田旁邊會出現雨草
記得去拎

16) 鼻屎獸
首先係肉田旁邊o既花埔同種子獸講野
佢話雨草係有特別用途
用數碼橋去返森林果邊
係森林廁所右邊版圖會見到有株幼苗
同佢講野
再用之前講過o既雨草去淋佢
你會發現幼苗原來係鼻屎獸
之後佢會返街管理肉田
咁你每日都可以得到3或者5塊極上肉
另外可以同佢買到加強訓練效果o既食用蘿白

17) 猛鬼獸
係森林廁上面係闇貴簇之館
係館o既前園會見到猛鬼獸
回答佢問題時選: 1, 1, 2 o既答案
咁佢會返街係夜晚係條街度”游街”

Check Point 3 – 隠形橋
闇貴簇之館右邊山谷邊沿版圖
係懸崖邊會見到一個位置好特別
走埋去會覺得好好危險
返去開始之街
同爺爺獸門口隻浮球講野
佢會話你知山谷處會有座隠橋
之後你再返去懸果度再嘗試行
你會發現果然有條隠形橋
之後你就可以通過哩條隠形橋啦

18) 人馬獸
係森林最右邊
會有人馬獸守住古代境時區域
係果個版圖度玩鬼腳
直至你行到去○度就得
(最好係度執多d道具, 唔用賣都好)
咁佢會返街開醫院

19) 巨龍獸 Part1
過左個人馬獸守住o既入口
一入到古代境時靜域會見到巨龍獸
佢會挑戰你
打贏佢會入返去守住古代境時流域個入口
一路向住古代境時區域深處進發
係古代境時流域入口再遇到巨龍獸
但佢話佢有使命守住個入口


20) 礦石獸
行到巨骨處左方入去
會見到礦石獸
同佢講野會同佢開戰
打贏佢唔會加入, 但係會係鬥技場出現




21) 巨龍獸 Part2
返到巨骨處
向上進發
會見一隻黑巴多拉獸(燒焦左?)
打贏佢唔會返街
係響原位處守住
出返黎古代境時流域入口
巨龍獸師傳突出現
同巨龍獸講佢會幫佢守住古代境時流域
叫佢去返去幫忙解決數碼世界o既問題
咁佢會返街幫手管理餐廳

22) 角龍獸
通過隠形橋
一到峽谷處廁所右邊
會見到角龍獸商店
幫佢賣野賺夠2500 bit 佢會話你通過考驗
然後返街幫手管理商店

23) 奧加獸 Part1
沿峽谷地區一路行
你會行一處有部電梯
係左邊有施工處
第一次行過去會無事
再同塊告事板講野咁就會跌落下層
向下行
你會見到一個山寨
門口有隻亞古獸
打贏佢會返入去山寨兼閂埋寨門

24) 巴多拉獸
行返去電梯處搭電梯上頂層
會見到一個鳥巢
原來係巴多拉獸o既巢穴
打贏佢會帶你返去街
佢都會開運送公司

Check Point 4 -  山賊
完左奧加獸 Part1
同爺爺獸門口隻浮球獸講野
佢會話峽谷處有山賊
咁先可以玩到奧加獸 Part2 之後o既事

25) 獨角馬獸
從人馬獸口中得知係迷惑森林至草原通道處有Digimon受左傷
行去果度會見到獨角馬獸
佢話佢受左傷
你可以俾一開始就會有膠布或者藥佢
咁佢話好返
會返去街度開商店


26) 鑽地獸 Part3
返去鑽地獸之前仲係度鑽緊既地方
發現佢已經鑽通左隧道
另外同佢講野會返街開寶物發掘店





27) 怪蛙皇
係大便山上面版圖係基岡濕地
一入去, 再上D會見到蝌蚪獸
打贏佢會畀幾隻怪蛙獸”夾”返去怪蛙獸之鄉
見過怪蛙皇之後, 你可以用”功積”同佢換道具
(功積係用Digimon Card 同怪蛙皇換積分)
記得要換支高級魚杆
走之前再同門口果個怪蛙獸講野佢會返街加入鬥技場

28) 加布獸
係霧森林入面邊處
會見到加布獸企係度
過去打贏佢會街做鑽地獸助手

29) 祖利獸
係霧森林行左一陣你會覺自己係度兜圈
只向上行
會見到祖利獸
同佢講野會令濃霧退散
另外從佢口中得知數碼島異變原因
佢亦都係訓練場之一

30) 加魯魯獸
向右行係同雪原交界會見到加魯魯獸
打贏佢一次後佢會再約聽日16:00再戰
但係如果你遲一日出現的佢會話受左傷, 得返一半HP&MP
(記住第二戰係無得俾你控制, 記得回覆返隻 Digimon D HP&MP)
打贏會返街幫手管理餐廳

31) 雪人獸
係加魯魯獸右邊版圖會見到間雪屋
帶住隻病左o既幼年時期黎哩度
你會突然入左去雪人獸雪屋
佢會幫你隻Digimon 醫返好個病
但係佢唔會即時返街
下次帶一隻唔怕凍o既Digimon 黎
佢會返街幫手管理餐廳

32) 企鵝獸
係雪屋右邊雪原海邊版圖
會見到企鵝獸企係間大雪屋門口
挑戰佢,同佢玩推冰mini game
贏左佢返街係鬥技場開哩個mini game
(如果第一次贏唔到佢, 再挑戰佢需要俾一條魚佢先得)

33) 毛人獸
海邊地區會見到三隻毛人獸
用佢地需要o既9樣野同佢地交換
最後換果隻會返街開地下商店





34) 奧加獸 Part2
經雪原會再行至峽谷地區
再次行經峽道時
上次係山寨門口係你打敗o既亞古獸返黎復仇
今次仲要帶埋大佬奧加獸同另一隻亞古獸
打贏佢地之後奧加獸會走佬返山寨
去返之前山寨
依家可以直入
入到大廳見到奧加獸同兩隻加布獸
又要開戰
打完奧加獸又走佬
咁當然去追個懶皮啦


35) 貝殼獸 Part1
追奧加獸中途
行過峽谷有草處會聽到有奇怪叫聲
暫時唔理住, 搞掂隻懶皮先

36) 巨鯨獸 Part1
追到去雪原海邊
見到巨鯨獸出現
佢話佢個竇俾人霸佔左希望你幫佢
咁梗係過去幫佢啦

37) 奧加獸 Part3
去到巨鯨獸個竇海岸洞
原來霸佔者係個懶皮奧加獸
今次仲有黑超海龍獸幫拖
(今次除左要繼續以一敵三外,仲要應付完全體, 記得多帶回復磁碟)
打贏晒佢地
奧加獸假意加入
點知佢繼續懶皮乘機走佬

38) 巨鯨獸 Part2
因為你幫左佢
佢為左答謝你願意返街作運輸船
之後會帶你返開始之街

Check Point 5 -  怪聲
返到街記得又同浮球獸講野收料
佢話峽谷處有怪聲
可以調查下
峽谷會遲d再去

39) 奧加獸 Part4
行一行去鑽地獸礦洞
發現鑽地獸礦洞變左奧加礦洞
又係隻懶皮
入去再打佢
佢今次只係得返兩隻亞古獸傍住
打贏佢終於唔懶皮返街做食蕉




40) 海龍獸
同怪蛙皇換左支高級魚杆
之後係沙灘果個龍眼湖釣魚仔
係時鐘藍色同紫色交界時去下面果個龍湖
你會見到有個大黑影
用魚仔釣, 放係佢游o既路線上
釣左佢上黎後揀同佢做朋友(友達)
佢會俾支笛你, 你可以隨時吹出佢黎帶你過湖o既對面
然後佢會帶你過去湖o既對面


Check Point 6 -  海龍獸
海龍獸唔會返街
但係可以向佢學3招水系招式
只要再係果個時間再釣佢上黎就得
而第三個選項係拎變海龍獸o既進化道具

41) 古加獸 & 比多獸
行入比多森林會見到有兩個訓練場
入去會見到古加獸同比多獸
同他地講野會返去改造訓練場
訓練場自此訓練效果加強

咁你可以用訓練場改練下先


42) 鼻涕獸 Part1
搭巨鯨獸去工業之城
行入小小你會見到見到有個坑渠
落去會見到成個下水道都污煙瘴氣
見到鼻涕獸同佢講完野之後佢會話唔關佢事

43) 安杜魯獸 Part1
上返去上面
入果間"電腦房"
同安杜魯了解工業之城o既現況
佢話工業之城正受到不明破壞
搵你幫手
出左去向右行
見到兩隻守護獸
同佢講野
佢話要通行證先可以通過
咁就返去問安杜魯獸拎通行證
點知安杜魯獸話唔駛通行證
守護獸會係每日正午12點同零晨12點交間
咁就係果個時間入去就可以通過喇

44) 炮彈獸 Part1
入到中心地帶會見到炮彈獸係度大肆破壞
咁定然第一時間上前阻止啦
打贏佢會訓左響地下

45) 安杜魯獸 Part2
同返安杜魯獸講原來係炮彈獸係度搞鬼
你都幫佢搞掂左佢啦
但係安杜魯獸話下水道問題未解決
咁當然落返去下水道喇

46) 鼻涕獸 Part1
落返去下水道
發現無晒D污煙瘴氣
行過鼻涕獸果度
佢二話不說就同你打起上黎
當然最隻Game最"強"敵人挑戰你你梗要同佢打喇
打贏佢會返街開地下商店

47) 安杜魯獸 Part3
返去安杜魯獸講下水道問題都搞掂埋
佢仲同你講工業之城正門已經開返
可以經果度出入
行去大門處果然係開返
咁就返去再同安杜魯獸講野
同佢講工業之城問題全部解決
跟手佢會返街係巴多拉獸門口罰企

48) 炮彈獸 Part2
入返中心地帶會見到炮彈獸已經回復正常
同佢講野會返街係餐廳度開音樂機
(唔記得佢同安杜魯獸邊個返街先,總之唔係佢先就係安杜魯獸先)




49) 忍者豆豆獸
當商店出現左地下店時
係街o既左邊出口去數碼橋
然後向下行向古尼獸寢室時
會出現者豆獸突襲
打贏佢會返去企係地下商店度

50) 巨雞獸
係清晨時份即係深藍同淺藍之間果點
黎到祖利獸下右o既版圖
版面最上面會見到巨雞獸
打贏佢會返街每逢清晨時份企係Item Bank 門口提醒你已經過左一日

51) 貝殼獸 Part2
之前係街o既浮遊獸口中得知峽谷處有怪聲
由見到貝殼獸果處經奧加獸山寨行至峽谷
再經雪原行返去貝殼獸處會到佢落左黎
同佢講野會返街開報告板

52) 宇宙腦魔
有印象的話
係獨角馬獸右邊版圖
係地面有d 古怪圖案
係貝殼獸報告板得知原來係外星人所為
再去果度調查
地面o既圖案多左
跟手宇宙腦魔出現
同佢講野佢會返街幫手管理餐廳

53) 悟空獸
當街o既發展度過50 時
黎到古尼獸寢室下面大樹處
敲大樹門大門
悟空獸會從樹上跳落黎突襲
打贏佢會返街係數碼橋度賣黃蕉

54) 獅子獸 Part2
同樣係發展度過50 時
去返鑽地獸洞穴
下面第三隻鑽地獸已經鑽到有野
原來係獅子獸祖先o既墓穴
入面會有獅子獸祖先o既石版
拎住塊石版去返平原獅子獸處俾佢睇
佢會參詳到D野
咁佢就會返街係巴多拉運輸屋度企

55) 飛龍獸 Part1
當街o既發展度去到50或以上時
一出爺爺獸屋企門口會見到飛龍獸
佢未打先偷襲
俾佢扣左HP 1500 先
記得打果陣補返
打贏佢會暫時係爺爺獸屋企療傷

Check Point 7 – 無限山
打完飛龍之後
返去同爺爺獸講完野會話你知真正o既考驗依家開始
咁係街o既右上角會開左無限山o既大門
入去前記得帶足補品入去啦




56) 惡魔獸
當大家準備齊全後
向無限山進發
一路進發
第一隻遇到o既會係惡魔獸
打贏佢會返街係地下商店賣惡魔晶片

57) 機械飛龍獸
其實大家可以選係咪依家打佢
如果補唔多可以留返唔打住
打贏佢會返街企係鬥技場左邊自稱最強

58) 機械暴龍獸
一路直入深處
會見到機械暴龍獸
當然佢係一隻"攔路虎"
點都要打佢o架啦
打贏佢會返街係鬥技場幫你睇住你d 戰積

59) 機械邪龍獸
到左最終Boss 啦
如果無返咁上下
你都係要返返落去訓練場練下同埋買返多少補品
打佢之前有個博士咁o既物體出黎講野
到哩一刻大家終於知道原來Digimon World 一切o既野都係佢係度搞鬼
咁當然二話不說咁就同佢打返場啦
機械邪龍獸不愧為全部最強機械族o既結晶所在
不過經過一輪激戰
最終都打贏佢
然後諗住"的"個博士出黎打一身
點知佢學左奧加獸 - 懶皮
走佬之餘仲要引發爆炸

60) 飛龍獸 Part2
係就黎爆炸之際
飛龍獸突然出現
用空間轉移術救出主角
之後飛獸就會係鬥技場幫你占卜

就係咁Digimon World o既危機就俾你解救左啦
你亦都成為Digimon World o既英雄
而你都完成左表關

Check Point 8 - 媄
大家應該發覺仲有好多野未做
所以睇完動畫之後load 返個save
可以繼續玩媄




61) 蛋蛋獸
唯一只可以係媄鬘打得o既Digimon
去返無限山打機械邪龍獸處
會見到隻蛋蛋獸企係度
二話不說就衝過去同佢打
打贏佢會返街幫手管理餐廳

Check Point9 - 串燒豆丁三兄弟
哩三兄弟好高竇, 出現機率係3/200
如果見唔到佢地, 可以出出入入該版圖

62) 妖精獸
係開始之街過左數碼橋果個海灘會見到妖精獸
最好係佢身上學到自然系o既"晶片蟲"
打贏佢會返街管理商店
同佢可以買到"訓練記錄卡", 加強每次訓練後o既效果
*請緊記, 同妖精獸買完"訓練記錄卡"後, 哩一世都唔好再同佢講野, 否則扣繁榮度時就愛莫能助

63) 豆豆獸
係出現宇宙腦魔版圖上面o既版圖會見到豆豆獸
打贏佢會返去管理地下商店

64) 鋼鐵豆豆獸
由巨鯨獸送去工業之城
一入大門口版圖右下角處會見到鋼鐵豆豆獸
打贏佢會返街係鬥技場出現
不過係街度見唔到佢

Check Point10 - 冰封聖殿
搭巴多拉運輸公司黎到雪原o既冰封聖域
一直向左行可以見到有冰封聖殿
冰封聖殿只可以係疫苗系先可以入得
一入去大堂調查下周圍
會發現除左個冰像之外乜都無
正想離開之際冰像移開出現秘道
一入去行前小小轉右會有通道

65) 天使獸
通過傳送點黎到最深處
會見到雪加獸同兩隻亞古獸
打贏佢地行到光點時會閃一野強光
之後出返去聖殿大堂
發現冰像唔見左天使獸從天而降
之後會返街企係爺爺獸旁邊幫你提供情報

Check Point11 - 聖殿訓練場
冰封聖殿直行入去會有個訓練場
訓練效果比起開始之街訓練場好好多

Check Point12 - 闇貴族之館
之前見到猛鬼獸o既鬼屋
如果唔係病毒系Digimon 會話你唔夠強
如果係病毒系Digimon 可以直入(鼻涕獸都得...強)
入到去全部門都鎖住左
得右上角果度門無鎖
入到一直向左行行到餐䒷處
係火爐見到有閃光
調查會拎到闇貴族之館之鍵
可以開晒全部門(除右下角被封印o既門)

66) 吸血魔獸 Part1
拎左館之鍵就去右上角o既門
一路上直到入到間有張床o既房
調查下張床
會發現原來張床係升降機
落到去會見到吸血魔獸
佢會話好辛苦好耐會吸過血
叫你去雪櫃拎畀佢
見佢咁辛苦就幫下佢啦
去返起初得果度門入到o既果間廁所房
向右邊會見到三隻帽子猛鬼獸
見到藍色雪櫃門打開佢點知唔見有野(唔通佢Fix 我地??)
搵唔到血畀吸血魔獸返去搵佢容乜易畀佢吸左我d血o架
都係走為上著啦
一行出館門口
即時見到塊血肉
原來走左出黎
拎去見吸血魔獸
佢會同你係餐枱度講返Digimon World o既一d 歷史
然後加入鬥技場

67) 吸血魔獸 Part2
返去貝殼獸報告板見到吸血魔獸退出鬥技場
去返闇貴族之館
到餐枱處見唔到吸血魔獸
去返第一次見到佢o既地下室都見佢
無法唯有走佬啦
一行到門口就見到惡魔獸飛出黎
佢話右下角o既被封印門已經解封
跟手就入去啦
入到去會見到吸血魔獸會係個監倉入面
佢已經唔多清醒啦

68) 喪屍暴龍獸+吸血魔獸 Part3
再行入d 會見到隻喪屍暴龍獸
原來吸血魔獸係度秘密研究緊哩d 野
點知依家隻喪屍暴龍獸失控
點都好啦
依家都要砌低隻野救返吸血魔獸
打贏佢行返去監倉同吸血魔獸講野
會返返出餐枱
之後佢地會雙雙加入鬥技場




Check Point13 - 玩具街
解哩個任務比較麻煩
首先要進化成鼻涕獸(即係話最少都要變返蛋一次)
建議進化方法
揀第一隻蛋
進化成亞古獸, 然後完全唔練佢
記住全能力唔可以高過1000同100
跟進去人馬獸度過時間
或者未解角龍獸任務o既話
依家解就最好啦

69) 熊仔獸 Part1
搭巴多拉運輸公司去祖利獸度
行入去會見到有玩具街
左邊巨龍獸-EX 屋仔入面會有件熊仔獸衫係張沙發度
調查一下你隻鼻涕獸會著左件衫進化成為熊仔獸
(其它Digimon 只會令件衫跌落地下, 無事發先)
咁你就可以入到去玩具城入面解救玩具街o既問題啦

70) 邪熊獸
上到去玩具城最頂層會見到隻邪熊獸
原來就係佢拎走左玩具街o既一d 部件, 令到玩具街出玩混亂
打贏佢會畀返件部件你
另外會加入街o既鬥技場

71) 熊仔獸Part2
拎住件部件行去玩具街右上角機械人果間屋
畀返件部件佢
佢會令玩具件回覆正常
熊仔獸(衫)都會掛係爺爺獸屋內

72) 亞伯獸
潮人亞伯獸會係5個唔同地方出現
只要係5個唔同地方同佢講5次野就會返街企係亞古獸旁邊
(企係度唔知係咪想偷野)
果5個地方分別係:
古代境時急域礦石獸處
奧加獸山寨大廳
發現獅子獸先祖石版處
工業之城下水道鼻涕獸處
玩具城頂層邪熊獸處

Check Point14 - 數碼暴龍機
亞伯獸o既其中兩次會出現數碼暴龍機搵
每一部機會令道具欄多10個item 位

*去到哩度
全部Digimon 攻略完畢
返去同爺爺獸講野
佢會親自頒哩個獎品 - 100繁榮度金幣過你

Check Point15 - 埵舅
每年機械邪龍獸都會係唔同地產生埵舅
可以係堶惘A打佢同埋埵舅舅J面o既強勁Digimon
當然可以學到勁招o既Digimon 係入面啦
*埵舅艇X現地點: 冰封聖殿, 闇貴族之館, 玩具城, 奧加獸山寨, 比多森

釣魚Jacky 發表於 2007-5-3 20:14:58

謝謝分享~~~~~~~~~

doraemon2003 發表於 2007-5-17 10:03:32

謝謝分享~~~~~~~~~/nm005

wwwtbn 發表於 2007-5-19 14:41:45

串燒豆丁三兄弟在哪个地图?

wkc0724 發表於 2007-5-19 14:45:24

太正啦 多謝你牙

edchong 發表於 2007-6-8 21:23:29

15) 大便獸
係工業之城旁邊有座大便山
行入去會見到有支魚杆
當然執起佢啦
再同晒D大便獸講野
再同大便皇講野
咁大便獸就會返街企係個廁所門口......

我同d大便獸講左好多次野,佢都唔返街
點先會返嫁

CCWATER 發表於 2007-6-9 03:08:47

THX A LOT 找了很久

小孩子1888 發表於 2007-6-19 21:07:58

thx/nmhnyb

清清楚楚 發表於 2007-8-8 20:21:04

我勁同隻鑽地獸講野都無反應

vshy108 發表於 2009-5-30 03:46:43

怎样给热心一分哦?
頁: [1] 2 3
查看完整版本: [PS] 數碼暴龍digimon world(迅雷下載)+攻略 - [售價 熱心 1 分] 1 2